抹茶芝士千層蛋糕 ($32)
-
嚟食呢件千層蛋糕當時實體店啱啱開張無耐 三點幾四點先去到都仲齊味而且無人等位有得靜靜地坐低堂食慢慢嘆 依家聽講兩點鐘去到都未必買到 真係好誇張呀😮😮
.
嗰時連價錢都未知就走左去食 知道係三十蚊左右一件真係有啲詫異 仲以為起碼四十蚊起跳 講真整過就知整千層蛋糕有幾麻煩 呢個價錢淨係計手工費已經超值 何況味道的確唔錯 咁出名都無坐地起價 真係覺得好有良心😭
而且睇新聞知道仲要係同我年紀差唔多嘅女仔一手包辦所有嘢日日密密整 好叻 衷心欣賞同佩服 自愧不如😭😭
-
入正題😆 粗略數過千層蛋糕大約有十六七層左右 班戟皮煎得透薄如紙 忌廉份量適中而且質感方面稱得上係幾輕盈軟滑😋
.
上層芝士濃郁醇厚 見到好細心咁設計過芝士同抹茶嘅比例 分配約莫為1:2 但畢竟芝士本身始終同抹茶有些少相沖 抹茶味都係避免唔到被削弱嘅結果 食落未至於話兩者味道平衡得好完美 但係分開食係真係兩邊都做得好好 抹茶味亦帶回甘🤤
.
我覺得呢款抹茶芝士啱曬想一次過食到兩款口味嘅朋友 不過如果好似我咁嘅抹茶控我會推薦大家食抹茶流心 下次再另外介紹☺️ 要一手一腳日日整咁多千層蛋糕處理訂單店務真係唔容易 要繼續加油同好好休息😆💓
-
LamLamLi (太子)
太子界限街12號地下A2號舖
-
Voracious抹茶
Voracious蛋糕
⋯⋯⋯⋯⋯⋯⋯
Voracious太子
👆🏻👆🏻👆🏻👆🏻👆🏻
Search